Feb 27 Issue

Naikolnoktor ni dolsa haste o phai kha

Feb 14, 2011

India ni Naikolnoktor ni Malkhung, Berai naimung tei Hukumu (Transport, Tourism tei Cultural Affairs) ni dolsa Twipra haste o berai na phai kha, bohrok Ujjayanta Palace, Sipahijala Wildlife Santuary, Neermahal, Tepania Eco-Park tai Tripureshwari mandir o berainai.

O dol Twipra haste o berianaimung no bangrwnani no twwi teibo saimanna bagwi phai o.

Ari phaising ni Kami o tongnairok CM ni nok bwskang o himlaikha

Feb 14, 2011

Twipra haste ni ari o sor bai bera uahamano twwi ah arini kamirogni borokrok bohrokni jaga ni soi soi rang rw di hwnwi Chief Minister (CM) ni nok bwskango himlaiwwi chiriklai kha.

PDS o taibo manwi dana nango

Feb 15, 2011

Twipra haste ni Chahmung Bwkhak (Food Department) teibo chahjaknai manwi 11 (kaichisa) no PDS (Public Distribution System) ni ration dukan rogo phaljakna nango hwnwi sa kha.

Twipra haste ni Food, Civil Supplies tai Consumer Affairs ni adong, Mg. Manik Dey tai North East ni tai juda haste ni adongrok o kokno India ni Food tai Civil Supplies ni Adong Mg. K.V. Thomas no sa kha.

Aguli ni Airport o kwtal ATC Tower wngnai

Feb 16, 2011

India ha ni 38^th (thamchichar) automated ATC(Air Traffic Control) Aguli ni airport o snam jaganw.

O tower ni yaphang no cheng rw kha Mg. R K Sinha, Regional Executive Director (Northeast), AAI (Airport Authority of India).

Boh teibo sa kha Aguli ni airport no international airport khlai jak nai hwnwi sampa kha.

Twipra haste o Bird Flu manjak kha

Feb 18, 2011

Twipra hao tai uaisa Bird Flu manjak kja, aboni bagwi ha ni kwbang tok tai takhum rokno ma bwthar bai kha. O bemar manjagwi 2,000 ni sei bo bisi tokrok thwibai kha o tal o.

Haste ni Animal Resource Development Minister Mg. Aghore Debbarma sa kha o bemar manjak mani ulo o government ni R.K Nagar ni poultry farm ni tai tongmani tok tai takhum rokno ma bwthar bai nai hwnwi.

Swkango 2008 bisi o 30,000 ni saibo kwbang tokrok o bemar manjagwi thwimani. O bemar Bangladesh nit ok rok Twipra haste o tubui phaio.

NCT ni chongmari o bachanai bukhuk khoroksa bwtharjak kha

Feb 19, 2011

National Conference of Tripura (NCT) dol ni Village Committee chongmari o bachanai bukhuk Nilima Debbarma (27 omor) Khowai ni Shikaribari para o bwtharjak kha.

TSR ni sipai khoroksa Mg. Anata Jamatia o bwtharmung o manjagwi romjak kha.Omtwi wngma bai ah parani borokrok TSR camp no khobwi chiriklai kha tai bwtarnai rokno rom di hwnwi salai kha.

TSR Camp o para ni borokrok sogwi kha

Feb 23, 2011

Village Committee ni chongmari ni swkang tai uaisa TSR bai kokbanglaiwi para rokni borokrok TSR camp o bulai toklai camp no sog kha.

Omo wng kha Mungiakami Block ni Nandakumar para o.

Village Committee ni chongmari kwchang kwchang kheno lai kha

Feb 24, 2011

TTAADC (Tripura Tribal Areas Autonomous District Council) ni Village Committee ni 4,021 adong chongmari kwchang kwchang kheno lai kha.

O chongmari o 6,71,163 vote rwnai borok tongo, bohrok khorok 8,525 ni mung rwjak juda juda dol ni adong chongnai. Obo ni bagwi 1,355 chongmari nok snamjak kha.

Twipra o Rubber no twwi Seminar

Feb 25, 2011

Aguli o Rubber no twwi seminar khungsa wng kha, obo rubber ni juda juda tai bebak manwi snammanmung no rwgwi se khlaijago. O seminar CII (Confederation of Indian Industries) bai songchajak kha.

O salnwi ni Rubber ni convention o borokrok no rubber ni samungo thepamung tai paiphal no rwgwi bo kok kwbang saklhai jak kha.

Omo no CII bai songchajak puila Rubber convention tai seminar, obono chuba kha taibo DIPP (Department of Industrial Policy & Promotion), Twipra Sorkar, Rubber Board, AIRIA (All India Rubber Industries Association). O seminar Children’s Park o chengwi rw kha TIDC( Tripura Industrial Development Corporation) ni Chairman Mg. Pabitra Kar.

Rail Budget Twipra ni bagwi aswk cha ya

Feb 26, 2011

Twipra ni Sorkar rail ni budget no aswk chajakya.

O budget o Assam, Mizoram tai Twipra ni rail malkhung ni lama no broad guage khlaimani no manliya.

Aguli ni simi Dhaka tai Kolkata ni rail lama snamna hwnwi India bai Bangladesh Prime Minister rok January 2010 o sajak phano o budget omoni samung ni bagwi kunu kok sajak liya.

Takarjala o Party rok ni bising bulai toklai wnglai kha

Feb 26, 2011

Village Committee ni chongmari ni lekhamung ni ulo Takarjala o dolnwi party rok ni bising bulai toklai o khoroksa police constable thwikha tai kwbang borokrok dukhu mankha.

Higher Secondary amjokmung February 28 ni simi, Madhyamik khe March 1 ni simi

Feb 27, 2011

TBSE (Tripura Board of Secondary Education) ni president Dr. Amitabha Debroy sakhlai kha Higher Secondary porikkha February 28 ni simi April 4 jora choli nai.

Bo sa kha o bisi o khorok 20,987 Higher secondary porikkha rwnai 300 srwngnok rok ni simi, aboni bagwi 45 amjokmung nok (examination center) khlai jak kha.

Madhyamik o khe khorok 45,462 borok, 749 srwngnok tai 75 amjokmung nok tong anw.

ADC ni Village Committee ni chongmari o CPM tai Left party rok pai kha

Feb 26, 2011

519 Village Committee ni chongmari wngmani o CPM tai Left party rok pai kha 473 o tai Congress-INPT pai kha 45 o.