Monday, February 28, 2011
Sunday, February 13, 2011
Feb 13 Issue
Tripura State AIDS Control Society (TSACS) bai HIV-AIDS bemar no mwthak na bagwi, puila khlaijak tangsamung cheng kha.
Sak bai Nukhung Hamkrai (Health and Family Welfare) Adong Mg. Tapan Chakraborty o “Kwchak-Riduk” mungwi tangsamung no Twipra haste brum o cheng rw kha AIDS bemar no sai man rw nani bagwi.
O Kwchak-Riduk Tangsamung wng kha National AIDS Control (NACP) ni rem tham (3rd phase) ni kaisa tangsamung.
Srwngnai rok ni bagwi Berainani Yapharmung
Tripura Tourism Development Corporation (TTDC) Twipra haste o beraiwi naimung tai Srwngnairok no phrwngna bagwi kwtal kaisa chongmung no tiklhai kha.
TTDC bai sakhlai jak kha, Twipra haste o beraimung no bangrwna bagwi tai srwngnai rok no bohrok ni Twipra ni juda juda beraimung jaga srwngmung beraimung ni bagwi kwbangma chongmung tikhlai kha.
TTDC srwngnairok ni bagwi o beraima jaga rogo hab nani bagwi 50% (khaksa) rang tanwi rwnai hwnwi sa kha.
Twipra Sorkar REGA ni bagwi rwjak rang bai tongthokjak ya
Mahatma Gandhi National Rural Employment Guarantee Scheme (MGNREGS) ni bagwi rwjak rangpuisa bai Twipra Sorkar tongthokjak ya hwnwi sai manjak kha.
Twipra Haste ni Kami Hamkrai (Rural Development) ni Adong Mg. Jitendra Choudhury India ni Kami Hamkrai Adong Mg. Vilasrao Deshmukh no koktun o swi kha, Twipra Haste ni bagwi Rs. 495.57 Crore manthai ni bising o Rs 93.90Crore se tabuk jora man kho.
Mg. Choudhury taibo sakhlai kha Mg. Deshmukh no Twipra haste ni bagwi chongjak rang March tal ni bisi9ng rohor di hwnwi, tamni hwnbao bisi ni chongjak samungrok paiwi thak mannai bagwi.
North District o Silai Kokgmung o khorknwi dukhu man kha
Bolongni borokrok bai kokjagwi Kanchanpur amchoi ni Chavapara kami o NPCC ni khoroknwi samung tangnai rok silai guli bai dukhu manjak kha.
Police bai sakhlai jak kha a NPCC ni samung tang nai rok malkhung kasa wi Chavapara o samung tangna thangwi tong phru o lama bohrok silai bai kokjak kha.
A malkhung ni chaluknai tai NPCC ni khoroksa Naikolnai (Manager)guli nang jak kha.A naikolnai guli kokjakma bai thwi kha.
CM Twipra haste o taibo Border OutPost sanhor kha
Chief Minister Mg. Manik Sarkar Twipra haste o taibo kwbangma Border Outpost (BOP) nango hwnwi sakhlai kha. Bo sakhlai kha tabuk ni haste ni ari o kaisa tai kaisa BOP rok 8 kms (char) chalmani no bara rwwi 4 kms (brwi) khlaina nango taibo kaham khe ari rokno naikolna bagwi hwnwi.
Tabuk Twipra haste 245 BOP tongo, bo taibo BSF ni 5 (ba) Battalion san kha tai CRPF ni 3 (tham) battalion no bo taisa Twipra haste o tubuna nango hwnwi sa kha.
Mg. Sarkar sa kha Twipra ni Choba khlainai Bolongni borok rok Bangladesh o huijagwi ari no baharwi Twiipra haste o habwi phaio tai aboni bagwi tabuk Bangladesh bai Twipra haste ni ari o sor ni bera (fence) khawwi tongma no taibo dakti paina nango.
Tabuk Twipra bai Bangladesh ni 856 kilometer o ari rogo kwcharo tai 181 kms ari o tabuk bo sor nib era (fence) kha jak yak ho. Bo sa kha Choba khlainai Bolongni Borok o khajak ya ari rokni bwlam twi Twipra o habwi tong kho.
Aoli rog no naikolnani kwtal Adong rok chong jak kha
AMC o khoroktham tai Nagar Panchayat rogo khoroknwi khe chongjak kha.
AMC o chongjaknai Naikolnai Adong rok wng kha Mg. Kamalesh Paul, Mg. Bimal Rudrapal tai Mg. Mohammed Fuzlur Rahman.
Sor bai bera uahma o manjaknai rokni chiriklaima
Twipra haste ni Bangladeh bai ari o sor bai bera uahmani bagwi jaga rok segjaknai borokrok mai chayawi chiriklai wi bohni kokno salai kha. O kamini borokrok Sorkar ni yago bohrokni bagwi taibo kaham khe samung cha rwnani bagwi manthai sanlaiwi tonglaio.
Border land Protection Committee ni Adong Okra (President) Congress ni MLA Mg. Subal Bhowmick sa kha Twipra haste o juda juda jaga o 8,500 nukhungrok o bera uahjakmani bagwi Sorkar bai jaga segjak kha.
O jaga segjaknai rok Sorkar no bohrokni bagwi tai juda jaga o bohrokni bagwi jaga paiwi rw di hwnwi sanlai wi tonglai o.
Bo taibo sa kha, o jaga segjaknai nukhungrok ni borok rok Sorkar no chirigwibohrokni manthai no sanwi tongphano Sorkar ni yakni kunu sakhlaima phai ya kho.
Twipra o tabuk jora ni kotorkuk Bangla kotor phai kha
Feb 04, 2011
Twipra haste o Kirima singsa tai kotorkuk Bangla kaisa phai kha sarik 7:25pm o. O Bangla Richter Scale o 6.4 wng kha hwnwi sai man kha.
O bangle twipra hao kwbang sal ni puila jotoni sai kotor kuk hwnwi sai mano, 1950 bisi o North Tripura o bangle phaimani abo Richter Scale o 6.3 point tong mani tai abo swkang 1869 bisi o phaimani bangle bo 7.5 point tongmani Dharmanagar ni ganao tai kaisa khe 1897 ophai mani bangle khe 8.5 point tongmani .
Census (Borok lekhamung) ni khaknwi lekhamung February 9 o chengnai
Feb 05, 2011
Mg.Acharjee taibo sa kha bohrok 7,300 lekhanai tai 1,284 naikolnai chong kha o samung ni bagwi.
Aguli ni nokha saka o khungnwi birkhung thutai laina naimani yok kha
Feb 06, 2011
Ah Air India birkhung Kolkata ni simi Aizawl o thahngwi tongmani 33,000 feet nokha saka o. Je phru o o birkhung Aguli ganao phai phru Comilla amchoi sakao tai kaisa birkhung no nug kha 33,000 feet o.
Paithak jora o achomsa nugwi rw ma bai Air India (AI) ni birkhung chaluknai (pilot) birkhungno 31,000 feet tola o dakti no tlang khe a China ni birkhung bini saka twi nang twi nang twi khe birwi laiwi thang kha. O birkhung khungnwi thutai lai lw ya.
Ah China ni birkhung Kathmandu ni simi Bangkok rogo thahngwi tongmani.
Ah Air India ni birkhung bising o 102 borok tongmani tai China ni birkhung o khe 200 borok tongmani.
Kami rokno gana thepa na bagwi Rs 58 crore chongjak kha
Omo sakhlaijag kha o rang NABARD (National Bank for Agriculture and Rural Development) ni thani phainai tai abo bohrok Tripura Rural Road Development Agency (TRRDA) no lama snam rwna bagwi rw nai hwnwi.
Industry ter o Rs. 8 Crore manwi phaljak kha
Ter ni paithago Industries tei Commerce ni Adong Okra Mg. Jitendra Chaudhury sa kha, phainai bisi o khe taibo kotor jaga o o ter no khlaijak nai, abo Hapania o Jute Mill ni ganao khlaijak nai.
North East Council (NEC), DONER (Ministry of Development of North Eastern Region) tai NEDFI (North Eastern Development Finance Corporation) rok o ter no chuba phai kha tai aboni bagwi o ter kaham krwng kheno wng pai kha.
Twipra Haste ni kwtal Advocate General
Budget ni achukpanda bo March 4 ni simi chengnai, o achukpanda hwnkhe o khakchi (10th) Naikolnok (Legislative Assembly) ni khakchi (10th) achukpanda.
India ni Naikolnoktor (Parliament) ni dolsa Twipra o berai na phainai
Bohrok Twiprani juda juda beraima jaga rogo berainai, aboni bisingo Sipaijala, Neermahal, tai alka jagarok bo tongo.
O dol twipra ha o beraimung ni bepar no twwi kok sana bagwi phai nai, tamni hwnba Twipra haste o tamo tamo beraimungni paiphal khlai man abono sai manna hwnwi.
KOMTHINGNAI NI KOK
Tang Soisimung
Tang Soisimung no teibo hwnwi mano:
1. Samung o thepama Machine rok tei kolrok ni simung
2. Machine, manwi, kol, tei lama rok je chwng samung khungsa khlainani o thepa o (naikhe: Nokrok snamma eba hamkrai ni bagwirogo).
3. Hukumu snammani ( Manwi snammung simung eba nokha sakao birmung soisimung).
4. Soisimung, lekhasimung tei misinsimung joto khlaimanma sai manmung.
5. Goniswbaima simung o khe, Tang soisimung, chini tongmani saimanma tei manwithum no twiwi hammanwi tei nangma manwirok snamma no hwno.
Saturday, January 29, 2011
Jan 30 Issue
Jan 15, 2011
Department of Telecommunications (DoT) bai sakhlai jak kwtal dagimung je joto borokrok ni mobile phone ni nokni nikuma re-verification eba kubui ma phunuknai hwnwi joto pre-paid mobile phone paijakrokno, abo North east ni bebak borokrok ni bagwi bejua hwnwi bui salai kha.
DoT bai sakhlaijak kha je January 19 ni sal ni bisingo joto mobile phone paijakrok ni nikuma ni kubui phunukmanjak na nangnai hai ya khe a SIM card sachoi rwjaknai hwnwi.
DoT bai teibo sakhlaijak kha je Voter ID Card 2008 ulni abo nikuma kubui phunukmanjagwi mano.
NRHM 2012 bisi ni ulo o bo tongnai
Jan 15, 2011
Indian Dental Association (IDA) ni khungsa Conference o Tapan Chakraborty, Health Minister, hai hwnwi sa kha je Twipra Sorkar nai o National Rural Health Mission (NRHM) chini haste o 2012 ni ulo bo tongthung hwnwi.
NRHM bisi 2005 o ha o chengmani Union Ministry bai naikoljagwi.
Bo tebo sa kha, Twipra haste ni joto panchayat o no sub-health center tai primary hospital bisi 2013 ni bisng o no tubunai.
Bo taibo sa kha, phaini bisi ni simi Homeopahic college chengnai tai dekti no khungsa kwta Dental college bo Twipra haste khulukjaganw.
Twipra o eco-tourism chengjaknai para rok ni rang bangna bagwi
Jan 17, 2011
Twipra Sorkar eco-tourism ni kaisa chongmung chengsana nai tongo para rok tai bolong bsing o tongnai tiprasa rokni rangpuisa bang rwna ni bagwi.
O chongmung ni bisingo khungsa rural tourism centre hwnwi kaisa khulukjak kha Chindaipara, Boromura amchai o tai Department rok 20 (khorok nwichi) Forest officer rok no bolong ni manwi rokno samungo thepamanna twi khe phrwng kha.
Forest minister, Jitendra Chaudhury sa kha Chindraipara ni Joint Forest Management Committee taibo bookrokno eco-tourism twwi phrwngnai.
Bo taibo sa kha, kwbangma Eco Park rok tabuk snamjak kha tai kwbang jaga rogo snamjaknai.
Borok-Kachari Ter, 3rd Boro National Festival 2011 palai jak kha
Jan 18, 2011
Twipra ha o puila Brok-Kchari Ter - 3rd Boro National Festival Khumulwng aoli o kaham krwng kheno mani jak kha. O ter o joto Brok dopha ai Boro rok Assamni taibo dopha rok borokrok ni bisingo sinilaima tai sakbaithang ni hukumu tai kok sollaimano sai manlai kha.
Assam ni Agriculture (Hukba) ni minister Pramila Brahma sa kha, “Chwng joto khungsa nukhung ni borokrok tai chini agi wngthangma rogo saimanma bai se cheng tni oro kuthumlai manma bai chwng chini kok tai dopha no taibo kuchugo twlang mannai tai chwng thansa wngman lai nai”. Bo teibo sa kha je Upen Brahma no naisigwi tai bini kokbai se bo o kok tai hukumu thansa wnglaimano sio.
Bo teibo sa kha, “Chini Bodo dopha rok Goalpara, Kokrajhar, Barpeta hai bebak jagarogni kokrok kisa misa pherlai hano aboni yaphang le kaisano, chini wngthanma rogo chng nugo chwng thansa no phaiwi o juda juda amchai rogo tonglai phai kha aboni bagwi kokrok kisa misa pherlai kha. Haiphano chng chini kok yaphang no saimano”
Bo muito manrwhor kha Bodo tai Dimasa rok salsa Nagaland ni Dimapur aoli o boni Rajdhani tongmani tai Bodo, Dimasa, Deuri, Sonowal , Kachari tai Tipra rok ni yaphang tai kok thansa no.
O sal thamni ter Khumulwng o O ter ni committee ni Adong Okra , MP (Member of Parliament) Bishwajt Daimary, bai fag kaisa tisa wi chengsajak kha phung ni 8:00 am o. O ter 448 (Khorok Brwira brwichi char) adongrok manjak phai kha juda juda hani, 4 (khorokbrwi) Chittagong Hill ni , 2 (khorok ni) Nepal ni bo phai kha.
O ter chengsamani o Chief Minister , Mank Sarkar o ter ni committee no hambai rw kha tai ADC ni naiklnairok no bo khaham rw kha.
NREGA ni tangrang tangnai rokni nogo phainai
Jan 20, 2011
MGNERA (Mahatma Gandhi National Rural Employment Guarantee Act) bai samung tangnai rokni tangrang tauk bank eba post office twi phaiya ui samung tangnai rokni nogo no phainai.
Twipra haste ni Rural Development department bai sakhlai jak kha je Twipra o bo “Biometric Smart card” chengjak nai MGNREGA ni samung tangnai rokno tangang rwnani bagwi.
Rural Development ni minister , Mg. Jitendra Choudhury bai sakhlia jak kha omo Tripura Cooperative Bank tai Tripura Gramin Bank bai chengjaknai.
Bo teibo sa kha o “Biometric card” jot para rok ni samung tannairokno bagjaknai tai bank ni chongjak borokrok hati barsa o para o thangwi tangnairokni tangrang rw bai nai.
Twipra o bo Unique ID Mission
Jan 21, 2011
Twipra haste o bo Karnataka tai Andhra Pradesh haste ni ulo o India ha ni kaitham ha o Unique ID Mission (UID) chengjak kha. 3 lakh (tham rasai)borokrok ni tabuk sak jora ID tikhlaijak kha hwnwi sa kha Mg. Ramsevak Sharma, UID ni Director General.
UID cehngsama bai bork rok kwbangma hamri mannanw hwnwi chongjago tai habugra ni joto ni bagwi tangjaknai samung rok bo teibo kaham khe khlaijaknai.
Bo sa kha, UID phainai March tal baino tikhliajak bai nai.
SPO rok mai cha ya wi tonglai o
Jan 21, 2011
Twipra haste ni SP rok (Special Police Officer) mai chaya wi achugwi borokni tangrang bangrw na ni bagwi kokbang sa lai kha.
Minister Mg. Jitendra Choudhury Mumbai o Paiphal ni Malai Ter o kok sa kha
Jan 21, 2011
Mumbai o wngmani 6th Nortth East Busness Summit o Industries tai Commerce ni minister Mg . Jitendra Choudhury Twipra ha ni paiphal ni bebak wngmangrok no twwi kok sa kha. Bo sa kha Twipra haste ni SDP (State Domestic Product) 10.71 % bang kha 1993-94 ni simi 2007-08 bisi o, abo India ni bangmani 7.97% ni sai bo kwbang.
Bo taibo sa kha Twipra haste o Phlik tai lama rok kwbangma no snamjagwi tongo tai Sabrom tai Bangladesh bai Rail malkhung bo sogwi na nai tongkha.
Taibo sakhlaijak kha Twipra o Rubber, Ua, Cha, tai Gas ni kwbang ma industry rok khulugi mano hwnwi.
Indian Chamber of Commerce bai songchajak o paiphal ni malai ter 6th North East Business Sumit. O salnwi n malai ter o Mnistry of DONER (Development of North East Region) tai kwbang Business group rok bo phai malai kha.
DONER ni minister Mg. B.K. Handique, Nagaland ni CM, Meghalaya ni Dy. CM tai Nagaland , Manipur, Assam, wipra n Indusry Commerce minister rok bo phai kha.
Twipra Sorkar ni Rangpuisa ni biyal
Jan 21, 2011
India ni Finance Minister Mg. Pranab Mukherjee Twipra haste ni Finance Minister Mg. Badal Choudhury no sa kha je Twipra haste no India Sorkar 13th (Chitham) Finance Commision bai sakhlai jak jeswk rang rw kha aboni bisi rang rw wi manya.
Obo sai manjak kha je Twipra Sorkar ni 13th Finance Commision ni jora rwjak o Rs. 7362.24 Crore rangni biyal wngwi tongo - aboni bisingo Rs. 6196.53 Crore tangrang o tai Rs. 1165.71 Crore pension o.
Tabukni bisi o khe Rs. 896.54 Crore ni rangpuisa ni biyal tongo.
Twipra haste ni 2010-2011 ni bisa ni chongmung o Rs. 1860 crore chongjak kha. Solk nama khe Rs. 7222.69 Crore aboni bisingo Open Market Borrowing (OMB) khe Rs. 367.69 Crore.
SMS bai complaint chengjak kha Twipra ni Police bai
Jan 22, 2011
Twipra polce bai “Complaint on SMS’ hwnwi samung chengjak kha.
DIG Operations, Mg. Nepal Das sa kha o kwtal chengjakma bai tabuk je kuu borok police no 9212357123 no sms rohor wi complaint rok rhorwi mano.
SK Roy wngkha Urban Developmet ni tai Mnoj Kumar khe Finance
Jan 23, 2011
Mg. Manoj Kumar Finance Department ni Commisioner tai Secretary cohongjak kha tai Principal Secretary Mg. SK Roy khe Urban Developmentepartment o chongjak kha.
Commisioner Mg. Nepal Sinha TTAADC ni CEO (Chief Executive Officer) chongjak kha.
Principal Secretary Mg. Sushil Kumar chongjak kha General Adminisiration (Personnel & Training) tai Revenue Department .
Mg. SK Chowdhury naikolnai Minoriy Welfare Department tai Sports tai Fisheries Department rok. Mg. YP Singh khe Principal Secretary tabuk naikolnai Health Department no.
Mg. AK Rastogi wngkha Secretary tai Director, Planning tai Cooperative Department ni.
Amarpur o bolongni borok bai khoroknwi kokjag kha
Jan 25, 2011
NLFT (National Liberatin Front of Twipra) ni blongni borokrok Amarpur ni Chaplingcherra amchai o jeep malkhung khungsa o silai bai kokma bai borok khoroknwi dukhu mankha.
Raishyabari o thangwi tongnai a jeep malkhung i chaluknai Mg. Dipen Kumar Tripura (24, Nwichibrwi) tai Mg. Mran Debnath (50, bachi) o guli bai dukhu mankha. Haiphano borok yogwi thangkha ta Raishyabari o sogwi kha.
Bwrwi rokni bagwi juda Kerongnok
Jan 24, 2011
Twipra aste ni sorkar bai sa jak kha Bwrwi rok ni bagwi juda khe kerongnok (court) snamjaknai. Omo bwrwi rok ni bagwi kerng naina bagwi smi se wngnai.
BSF bai kokjagwi khoroks borok thwi kha
Jan 27, 2011
Sonamura amchai ni Durgapur kami o BSF bi kokjagwi borok khoroksa thwi kha.
BSF bai sakhlai jak thwinai Mg. Adul Haque khoroksa smuggler hwnwi. Haiphano kami ni borkrok salai o je a borok smuggler ya hwnwi
Village Committee ni Chongmari February 24 (Nwichibrwi) o
Jan 28, 2011
TTTAADC (Tripura Tribal Areas Autonomous District Council) ni 527 (Bara Nwichi Sni) Vllage Committee ni chongmari February 24 o wngnai.
State Election Commisioner Mg. YP Singh omono sakhlai kha.
Khorok 6,71,163 o chongmari o tongo, aboni bisingo 3,39,645 khe chwla rok tai 3,31,518 rok khe bwrwi rok.
Monarchak ni Gas Power Project ni Rangmari
Jan 28, 2011
Tripura Gas bai chalukjaknai Power Project (100 MW), Monarchak , West Tripura o NEEPCO (North East Power Corporation Limited) bai songchajagwi tongmano Cabinet Committee Rangmari chongkha Rs. 623.44 Crore.
.
Agartala - Kolkata Bus Malkhung
Jan 28, 2011
Bangladesh hator ni Transport Ministry ni khungsa dol Twipra haste o phaikha Agartala-Kolkata (via Dhaka) Bus malkhung chengsanani uansukma chongmung nainani bagwi.
Bohrok Twipra ni Transport minister Mg. Manik Dey bai malai kha.
KOMTHINGNAI NI KOK
HUKBA
Hukba wngkha chahmung tei nangma manwi manna bagwi maithai rok no kaiwi tor rwma tei mal rok no pusima no hwno.
Hukba o hao maithai kaimani raida tei aboni rang-puisa twiwi sio tei mal rok no pusi ma ni raida rokno bo naio.
Hukba khlaiwi borok rok tei mal rokni bagwi chahmung rok wngo. Hukba twi tei juda juda manwi rok bo wngjago, abo rok wng kha khumbubar, buphang-uaphang, mal rokni bukur, tula, ul, ako rok.
Hukba 10,000 bisi swkang ni simi wngwi phai kha hwnwi sajago.
KOMPIUTAR
Kompiutar wngkha kaisa "machine" je borok samani haino samung tango. Borok Kompiutar no samungtangjaknaino sawi samung o thepa o. A samungrok kwbang podrepod wngwi mano: thwngmung, sinema naimung eba khe internet naimung rok. Kompiutar saisung saisung kunu samung tangwi manya, bono chwng se ma sao tamo samung tangna nang.
Kompiutar lekhamung rok belai dati khlai mano tangwi hwnba khoroksa "programmer" Kompiutar no bahai khe samung tangna nang hwnwi kok swiwi rw kha. Kompiutar no rwchapmung khnanani bagwi, bwchap porina bagwi, swina bagwi eba khe kwbang dalbidal samungo chwng thepawi mano.
Friday, January 14, 2011
Jan 16, Issue
Saturday, May 8, 2010
Vol. 1 No. 1
SALBRUM NI KOKTUN
Vol. 1 No. 1, Taltung 1420 T.E, Rs. 2
Assamo twitor tai togrem (haste) o rail krukmung
Watwi bangma phaimabai asaamni kwbangma hapingo railni thangphai duku mankha. Oboni nokbar chini haste o bo shiphaikha tamoni hinkai april talni 20-o rail lamani kuluk thangmabai 20 tai 21 aprilni lumding-agartala rail thangphai mwthap jakkha.
Oborokni bagwi rail bai thangnai borokrokno bo belaikhe takto manna nangkha.
Khasoima manmano TMC
Joto phaising kaham khlai thangkhai Tripura Medical College kwtalkhe swrwngnai roknno nahrnai o MCI ni khaisoma mannai. Phiya o bo rokno tuiwi kok chapmwng wnglainai may talni salsni o (may 7). O sal o MCI ni achukmwng bo ungnai. Achukmwng ungnai Tripura Medical College tai Dr. B R Ambedkar Hospital naikolnai bosongni bo.
tani hinkai MCI ni raida twino bini joto samung khlai tongwo-o-chengyaphang.
Haste ni Lukulekhamung chengsajakha haste-tangokra ni nukhung ni simi
THWNGMUNG
IPL-Indian Premier League 2010
3rd IPL T20 cup ni final 25th april o Mumbai Indians bai Chennai Super Kings rok Dr. D.Y.Patil Stadium ( Mumbai ) o thwnglaikha. Aro o Chennai Super Kings rok Mumbai Indians rokno mechemwi champion ongkha. Chennai Super Kings rok puila batting khlaiwi 168/5 khlaikha. Mumbai Indians rok 169 khlaikhe Chennai Super Kings no paikhamu, haiphano Mumbai Indians rok tai 22 runs khlai manliya. Mumbai Indians rok 146/9, 20 overs o khlaikha. Doug Bollinger Australia ni bowling kurungno Man of the match rwjak-kha, tai chini Sachin Tendulkar no Man of the Series rwjak-kha. Omo haino 1st Chennai Super Kings 2nd Mumbai Indians tai Royal Challengers Bangalore rok 3rd ongkha IPL T20 2010 bisi o.
T20 World Cup 2010
3rd ICC World T20 2010 April 30th ni simi May 16 jora West Indies o ongnai. T20 World Cup puila 2007 bisiwo
24th North East Games 2010
24th North east games 2010 meghalaya ni capital shillong o 19th-24th april o ongwi paikha. Aro o Manipur rok puila ongkha,
Commonwealth Games 2010
XIX Commonwealth thwngmwng 2010 bisi o India ni capital new delhi o October 3 ni simi October 14 jora ongnai. A thwngmwng o 72 bodol rok manjaknai. O thwngmwng ni mascot ni bumung ongkha Shera.
KOMTHINGNAI NI KOK
Puila no jotono khulumo tai khakchangma yaphar o chini o koktun ni puila swikarimani bagwi.
Chini joto phai manjak phainai adongrok no o “Salbrum ni Koktun” no pori wi chini Borok Dopha no twi wi chwng teibo samung tangwi manna twi se wngthung hwnwi kha ka o.
Borok Hamkrai Bosong (BHB) hwnwi pharjak chini o bodol ni wngwi ang jotono o Koktun no chubama bai tisa hwnwi sakhlai o.
“Salbrum ni Koktun” o bisi o chwng hatibarsa o uaisa sapok karinai tai uklok ni bisi ni simi khe chwng obono salbrum ni koktma blaih khe tikhlai nai. Kokborok kok o tabuk bo chakukma kunu Koktma kwrwi kho hwnwi chwng o “Salbrum ni Koktun” no ulo o chini Kokborok kok bai Borok Dopha ni jotoni sai nangkukma tai porijaknai koktma wngthung.
Puila ni o karijakma o chwng political koktun, thwngmung, tai buini rohor jak kokrwbai rok no kari nai hwnwi chong kha.
Chwng chini koktma ni bagwi website khuluk:
Email: salbrumnikoktun@gmail.com
Chini uansukma tai muchung ma khe je chwng chini dopha no kwtal uansukmung tai tongmung twiwi tisanani tai chini Dopha no hayung ni kaisa kotorkuk dopha hwnwi swnam nani.
PODRE POD
Koktang
Chumui
Chumui nahar wi naidi
phurmung bini bahai?
tula bwsate ahai da
siyari buthup hai da
birwi lai o chumui
nobar sib sib borwi
mwkhang bini le
phliksa no juda
hao tong twtwi nugwi
a birsajak chumui rokno
kha bising basang ani
motokma kwbang phaio
chumui hai angbo wngnai
chumui hai angbo birnai
langma ni sal hor o
angbo birsawi sibnai
- Bonnie Deb Barma
Agartala